Fudbaleri Bayern Munchena “pregazili” su Dinamo iz Zagreba sa 9:2 na startu nove sezone u Ligi šampiona.
Trener Bavaraca Vincent Kompany doveo je Sergeja Jakirovića pred otkaz u Dinamu, ali je razuvjerio mnoge koji su sumnjali u njegov kapacitet da vodi Bayern.
Rano je suditi o tome koliki su njegovi trenerski dometi, ali je odgovorio skepticima koji su tvrdili da je Bayern ipak prevelik.
„Reći ću vam nešto veoma brzo samo da bih dokazao poentu. Ja sam rođen u Briselu, moj otac je bio izbjeglica i pobjegao je iz Konta. Koje su bile šanse da ikad zaigram u Premijer ligi, osvojim nešto kao fudbaler i igram za nacionalni tim? Šanse su bile 0,000 nešto. A sad sam trener. Da li prestanete da vjerujete u sebe i to što možete da postignete zbog nečega što drugi ljudi kažu? Mentalitet je da ideš do kraja i ako ne uspiješ, nisi uspio, ako uspiješ, uspio si, ali uvijek možeš da postaneš bolji“, rekao je Kompany.
Bayern naredni meč igra protiv Aston Vile drugog oktobra, potom slijedi okršaj sa Barcelonom 23. oktobra u Ligi šampiona. U Bundesligi je bavarski gigant trenutno vodeći sa devet bodova iz tri odigrane utakmice. Aktuelni šampion Bayer Leverkusen ima dvije pobede i poraz poslije tri kola.
