Ako razmišljate o promeni izgleda, imamo za vas odličnu ideju. Blonde Espresso je hit boja kose za jesen, koja je savršen izbor i za plavuše i za brinete.

Kao što joj i naziv kaže, radi se o boji koja podsjeća na espreso kafu s mlijekom i kombinuje smeđe i medenoplave tonove u kosi.

Poznati londonski kolorista Džek Hovard ovu boju je opisao kao smeđu boju sa strateški postavljenim svjetlijim pramenovima u “balayage” stilu kojih, prema izboru osobe koja želi ovu boju, može biti više ili manje, piše Index.hr.

Upravo to čini ovu boju odličnim izborom i za plavuše koje žele da potamne kosu i za brinete koje ove jeseni žele malo da je posvijetle.

U svakom slučaju, kolorist preporučuje da svjetlili pramenovi budu uz lice jer to ima podmlađujući efekat, a ako ne znate kako svom frizeru da objasnite šta želite, gomilu prijedloga pronaći ćete na Instagramu gdje je ova trendi nijansa već postala pravi hit.